antiquissima omnium provinciārum et longē dītissima fuit Sicilia. insula provincia facta est post Prīmum Bellum Pūnicum et prīma ex omnibus provinciīs fuit. Sicilia magna insula plēna multōrum oppidōrum antiquissimōrum fuit. populī quī oppida Siciliae incoluērunt nōn Rōmānī, sed plerique Graecī fuērunt. itaque lingua quae in hīs oppidīs dicta est nōn Latīna, sed Graeca fuit.