Leōn, cum Pythagorae ingenium et ēloquentiam laudāvit, quaesīvit ex eō dē eius arte. At ille dīxit sē artem nūllam scīre sed esse philosophum. Tum Leōn quaesīvit quī sunt philosophī. Pythagorās respondit multōs hominēs glōriae aut pecūniae servīre sed paucōs nihil habēre et nātūram rērum cognōscere cupere; hōs sē appellāre “studiōsōs sapientiae,” id est “philosophōs.” Pythagorās huius nōminis inventor fuit.