Omnes igitur convivae uno ore exclamaverunt: "Pereat Tantalus, pater crudelissimus et iniustissimus, ne nomine quidem patris dignus ! Iuppiter eum maximis perdat cruciatibus ! " Tantalum igitur ad Inferos Iuppiter proiecit et in flumen usque ad medium corpus mersit ut supplicium,quod ille pro scelere facto merebat, sumeret.Ex eo tempore Tantalus, in lnferorum flumine stans, fame et siti, quae nullum habent finem, excruciatur: nam simul atque bibere conatur, aqua, quam haurire vult, recedit; et cum poma, quae super caput sunt, sumere cupit, ventus ea retrahit priusquam capiat. Sic pater ille sceleratus, debilis et invalidus, sine cibo et sine potione semper manet.