PRIORI definitione exponit, sub quibus rectis lineis contineri dicatur parallelogrammum quodcunque rectangulum: Et quid sit, parallelogrammum contineri sub duabus lineis rectis. Quod ut intelligatus, explicandum primum est, parallelogrammum illud dici rectangulum, cuius omnes anguli sunt recti; Cuius quidem duo tantum sunt genera, Quadratum, & Altera parte longius. In his enim omnes anguli sunt recti, vt perspicuum ect ex eorum definitionibus. In omni porro parallelogrammo, si vnus angulus duntaxat detur rectus, erunt & reliquitres necessario recti. Sit enim in parallelogrammo ABCD, angulus A, rectus: Dico reliquos tres angulos B,C,D, rectos quoque esse.Nam cum parallela sint AD,BC,erunt anguli A, & B,interni duobus rectis aquales: At angulus A, rectus est, ex hypothesi.Igitur et B, rectus erit. Quoniam vero quilibet suo opposito ect equalis, vt angulus A, & angulo C, & angulus B, & angulo D; erunt & anguli C, & D, recti.